ეს ბნელი დღეა სამართლიანობისთვის, ეს ბნელი დღეა კაცობრიობისთვის, – ასე გამოეხმაურა ისრაელის პრეზიდენტი, იცხაკ ჰერცოგი ჰააგის სასამართლოს გადაწყვეტილებას ბენიამინ ნეთანიაჰუსა და იოავ გალანტის დაპატიმრების ორდერის გაცემის შესახებ.
„ამ გადაწყვეტილებამ არჩევანი ტერორისა და ბოროტების სასარგებლოდ გააკეთა და არა დემოკრატიისა და თავისუფლების სასარგებლოდ და თავად მართლმსაჯულების სისტემა ცოცხალ ფარად აქცია „ჰამასის“ მიერ კაცობრიობის წინააღმდეგ ჩადენილი დანაშაულებისთვის“, – აღნიშნა ისრაელის პრეზიდენტმა.
იცხაკ ჰერცოგმა ხაზგასმით აღნიშნა, რომ სასამართლო უგულებელყოფს ძირითად ფაქტს, რომ ისრაელს ბარბაროსულად დაესხნენ თავს და ისრაელის სახელმწიფოს აქვს ვალდებულება და უფლება დაიცვას თავისი ხალხი.
მანამდე ჰააგის სისხლის სამართლის საერთაშორისო სასამართლომ ისრაელის პრემიერ-მინისტრის ბენიამინ ნეთანიაჰუსა და ქვეყნის ყოფილი თავდაცვის მინისტრის იოავ გალანტის დაკავების ორდერები გასცა.
მოსამართლეები ფიქრობენ, რომ ნეთანიაჰუს და გალანტს, სავარაუდოდ, ღაზის სექტორში ჩადენილი აქვთ სამხედრო დანაშაული და დანაშაული კაცობრიობის წინაშე.