“სად იყვნენ მაშინ როდესაც სააკაშვილის დროს მარიკა ლორთქიფანიძე და რამდენიმე პროფესორი ოთახში გამოკეტეს და კართან ომონები იდგნენ”

სად იყვნენ მაშინ, როდესაც სააკაშვილის დროს, ქალბატონი მარიკა ლორთქიფანიძე და რამდენიმე პროფესორი ოთახში გამოკეტეს და კართან „ომონები“ იდგნენ, მაშინ რატომ არ იცავდნენ მათ?!“ – ამის შესახებ კულტურის პალატის პრეზიდენტი, დათო ოქიტაშვილი აცხადებს.

როგორც დავით ოქიტაშვილმა გადაცემაში „იმედი Live“ განაცხადა სტუდენტებმა ძალიან კარგად იციან „ნაციონალური მოძრაობის“ წარსული.

„ზუსტად „ნაციონალურ მოძრაობას“ და მის ანასხლეტებს არ აქვთ უფლება ჩვენ ჭკუა გვარიგონ. სად იყვნენ მაშინ, როდესაც სააკაშვილის დროს, ქალბატონი მარიკა ლორთქიფანიძე და რამდენიმე პროფესორი ოთახში გამოკეტეს და კართან „ომონები“ იდგნენ, მაშინ რატომ არ იცავდნენ მათ?!“, ეს სირცხვილია. თურმე შეიძ₾ება ამაზე თვალი დავხუჭოთ და გვერდზე გადავდოთ და ახლა რაც ხდება ეს არის ცუდი“, – აღნიშნა დავით ოქიტაშვილმა.

თსუ-ს სტუდენტების ინფორმაციით, თბილისის სახელმწიფო უნივერსიტეტის ეზოში სხვადასხვა უნივერსიტეტის სტუდენტები და ახალგაზრდები დაბანაკდებიან და „გააგრძელებენ ლოკალურ პროტესტს იქამდე, ვიდრე არ ჩაინიშნება ახალი არჩევნები”.