ისრაელის თავდასხმებს აღმოსავლეთ ლიბანში 47 ადამიანი ემსხვერპლა. ამის შესახებ „როიტერი“ წერს.
ლიბანის ბაალბეკ-ჰერმელის პროვინციის გუბერნატორმა, ბაჩირ ხოდრმა განაცხადა, რომ თავდასხმა ბაალბეკის რეგიონზე განხორციელდა, რომლის დროსაც, სულ მცირე, 47 ადამიანი დაიღუპა, 22 კი დაშავდა.
მისივე თქმით, სამძებრო-სამაშველო ოპერაცია ამ დრომდე მიმდინარეობს. ლიბანის ჯანდაცვის სამინისტროში აცხადებენ, რომ 2023 წლის ოქტომბრიდან ლიბანში 3583 ადამიანია დაღუპული.
კომენტარები