შორენა მირცხულავა სოციალურ ქსელში საქართველოს შინაგან საქმეთა ყოფილი მინისტრის გელა ხვედელიძის მოღვაწეობის შესახებ ვრცელ პოსტს ქვეყნებს:
“2012 წლის 12 ივნისს, გელა ხვედელიძეს, როგორც “ქართული ოცნების” ერთერთ მაღალი თანამდებობის პირს პარტიაში, პირადად ჩემგან 15 წუთით ადრე ჰქონდა ინფორმაცია ივანიშვილზე ზუგდიდში მოსალოდნელი თავდასხმის შესახებ, მაგრამ არანაირი რეაგირება არ მოახდინა, არ გააფრთხილა პარტიის ლიდერი, რომ მორიდებოდნენ საფრთხეს და ეს ინციდენტი მართლაც შედგა!!!
ეხლა გასაგებია ყველაფერი, პირიქით ყოფილა ჩასაფრებული და ჩანერგილი ელისო კილაძის “ძმადნაფიცებისგან”. ამ დროს სოსო გოგაშვილი, დიტო სამხარაძე და კიდევ ბევრი “ქართული ოცნების” ნამდვილი ჯარისკაცი სიკვდილ-სიცოცხლის ზღვარზე გავლით ებრძოდნენ სააკაშვილის რეჟიმს!
სოსო გოგაშვილი არის ნამდვილი “ქართული ოცნების” მეომარი პირველივე დღიდან! განათლებული და კარგად აღზრდილი ადამიანი. ყველა სამსახურს, რომელზეც ამ ხელისუფლების დროს დაინიშნა ღირსეულად გაართვა თავი. გელა ხვედელიძის მსგავსად არ “უსაბოტაჟნიკია” საკუთარი გუნდის წინააღმდეგ.
სოსოს იმდენი აქვს ნაბრძოლი სააკაშვილის რეჟიმის წინააღმდეგ, რომ რომა შამათავებს და სხვა ნაც-მწვალებლებს ძიძობას არ გაუწევდა ციხეებში, როგორც ამას გელა ხვედელიძე აკეთებდა თურმე, შს მინისტრის მოადგილეობისას!
წლებია ელისო კილაძე დღედაღამე შეურაცყოფას აყენებს, ღირსებას და საქმიან რეპუტაციას ულახავს სოსო გოგაშვილს. იმის გამო რომ სოსო საჯარო მოხელეა და აქვს თმენის ვალდებულება, არცერთი საჯარო პასუხი არ გაუცია ამ ქალისათვის, თუმცა დამეთანხმებით რომ ძალიან რთულია ამდენი ცილისწამების და შეურაცჰყოფის ატანა თავად სოსოს ოჯახისთვისაც! განსაკუთრებით ამაზრზენია პელენწუკა ელისო კილაძის ამოჩემებული ფრაზა “აღზევებული მდაბიო” გოგაშვილის მისამართით. ბაგრატიონ_მუხრანსკები არც კილაძის მოდგმაში იქნება და არც დანარჩენ მის “ლუბიმჩიკებს” უჩქეფთ ცისფერი სისხლი, მაგრამ ეს არ არის დემოკრატიულ სახელმწიფოში ვინმეს თანამდებობაზე დანიშვნის განმსაზღვრელი კრიტერიუმი!
P.S. გელა ხვედელიძეზე ამჟამინდელი თავდასხმელები ელისო კილაძემ იმ მისამართზე მოიკითხოს, კოხტა კოდუას ადგილსამყოფელი რომ ეგულებოდა და თვითონვე აღიარა როგორ გააგებინა ეს ძალოვნებს!”, – წერს მირცხულავა.