მავნებელი NGO-ები იხვეწებიან დასავლელ პარტნიორებთან, რომ რამენაირად დასაჯონ და დაასანქცირონ საქართველო, ეს არის მაგათი ბუნება, – განაცხადა ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა ქართული NGO-ების წარმომადგენლების წერილის თაობაზე, რომელიც მათ ევროკავშირს გაუგზავნეს.
„დაახლოებით სამი კვირის წინ, ოთხმა რადიკალურმა პარტიამ, კოლექტიურმა „ნაცმოძრაობამ“ გააგზავნა იგივე შინაარსის წერილი ე.წ. „დანოსი“ ბრიუსელში, სადაც ითხოვდნენ საქართველოს დასჯას, მოუწოდებდნენ ევროკავშირს, რომ ყველანაირი ურთიერთობა საქართველოსთან გაეწყვიტათ, დაესანქცირებინათ საქართველო, ვიზალიბერალიზაცია შეეჩერებინათ და ასე შემდეგ. და დღესაც, იგივე ტრენდი გრძელდება. ეს ჩვენს მოსახლეობას უკვე არ უკვირს. ისევ მავნებელი NGO-ები იხვეწებიან დასავლელ პარტნიორებთან, რომ რამენაირად დასაჯონ საქართველო, რომ დაასანქცირონ საქართველო და ეს არის მაგათი ბუნება. მათ არანაირი მშობლიურობის განცდა ამ ქვეყანაში არ გააჩნიათ“, – განაცხადა მაჭავარიანმა.