აშშ-ში, ნიუ ჯერსიში ადგილობრივები, უკვე ერთი თვეა, ამოუცნობ მფრინავ ობიექტებს ამჩნევენ. მფრინავი ობიექტები, რომლებზეც ვარაუდობენ, რომ დრონები არიან, მოსახლეობაში შიშს იწვევს. ინფორმაციას BBC ავრცელებს.
აშშ-ის ხელისუფლება ჯერჯერობით საბოლოო პასუხს ვერ იძლევა მფრინავი ობიექტების შესახებ და მხოლოდ ის ითქვა, რომ ობიექტები საზოგადოების ან ეროვნული უსაფრთხოებისთვის საშიშროებას არ წარმოადგენენ.
თეთრი სახლის ეროვნული უსაფრთხოების საკითხებში მრჩეველმა ჯონ კირბიმ, ჟურნალისტებს განუცხადა, რომ არსებული გამოსახულებზე დაყრდნობით შეიძლება ვარაუდი, რომ უპილოტო თვითმფრინავების უმეტესი ნაწილი, რეალურად, პილოტირებული თვითმფრინავები არიან.
ზოგიერთმა კანონმდებელმა დრონებთან დაკავშირებული საკითხის მიმართ მთავრობის დამოკიდებულება და ხელმისაწვდომი ინფორმაციის ნაკლებობა მკაცრად გააკრიტიკა.