აშშ-ის არჩეულმა პრეზიდენტმა, დონალდ ტრამპმა არ გამორიცხა უკრაინის მიერ რუსეთის ტერიტორიის შორ მანძილზე მოქმედი ამერიკული რაკეტებით დაბომბვის გადაწყვეტილების გაუქმება. ამის შესახებ დონალდ ტრამპმა მარ-ა-ლაგოს რეზიდენციაში გამართულ პრესკონფერენციაზე განაცხადა.
ტრამპმა აღნიშნული გადაწყვეტილების გამო ბაიდენის ადმინისტრაცია გააკრიტიკა და ამ ნაბიჯს „სულელური“ უწოდა.
„რატომ გააკეთეს ეს ისე, რომ არ მკითხეს, თუ რას ვფიქრობდი? მე არ მივცემდი მათ ამის უფლებას. ვფიქრობ, მათ დიდი შეცდომა დაუშვეს“, – განაცხადა დონალდ ტრამპმა.
კითხვაზე, შესაძლოა თუ არა მან გააუქმოს ეს გადაწყვეტილება, ტრამპმა უპასუხა: „შესაძლოა“.
კომენტარები