უფლებადამცველ ნათია თავბერიძის მიერ გავრცელებულ ინფორმაციას, ერთ-ერთი დაკავებულის დედის გარდაცვალებასთან დაკავშირებით დიდი გამოხმაურება მოჰყვა. საზოგადოების ინტერესიდან გამომდინარე, თავბერიძეს თავადვე მოუწია სოციალურ ქსელში გავრცელებული პოსტის განახლება, სადაც განმარტა, რომ ეს ამბავი ახლა არ მომხდარა და მიმდინარე აქციებს არ უკავშირდება.
აქვე წერს, რომ საზოგადოების დიდი ნაწილი დაინტერესდა, როდის გარდაიცვალა დაკავებულის დედა, თავად უფლებადამცველი კი მიიჩნევს, რომ ამას მნიშვნელობა არ აქვს.
რატომ გახდა საჭირო სენსიტიური ამბის შესახებ ინფორმაციის არაკონტექსტურად გავრცელებით საზოგადოების გრძნობებზე მანიპულაცია, „ქრონიკამ“ აღნიშნულთან დაკავშირებით თავბერიძესთან დაკავშირება სცადა, თუმცა ის ამ დრომდე არ გამოსულა კონტაქტზე.
კომენტარები