აშშ-ის მოქმედი პრეზიდენტის ჯო ბაიდენის რეიტინგი მისი ოთხწლიანი მმართველობის პერიოდში ყველაზე დაბალ ნიშნულამდე დაეცა. სოციოლოგიური კვლევის შედეგებს გამოცემა The Hill-ი ავრცელებს.
კვლევის თანახმად, ბაიდენის რეიტინგი დეკემბრის თვეში 34% შეადგენს, როცა ეს მაჩვენებელი ოქტომბერში 38% იყო. ამასთან ერთად, დეკემბერში ბაიდენის მმართველობას უარყოფითად გამოკითხულთა 66% აფასებს. ოქტომბერში ეს მაჩვენებელი 62% იყო.
გამოცემა აგრეთვე აღნიშნავს, რომ გასული წლის სექტემბრიდან აშშ-ის მოქმედი პრეზიდენტის რეიტინგი მუდამ 40% ქვემოთ იყო. ყველაზე მაღალი რეიტინგი მას 2021 წლის ივლისში ჰქონდა. მაშინ ეს მაჩვენებელი 58% შეადგენდა.
ბაიდენის რეიტინგი ორი პროცენტული პუნქტით შემცირდა აგრეთვე იმ ადამიანებს შორის, რომლების მის მოღვაწეობას პრეზიდენტის პოსტზე დადებითად აფასებენ. დეკემბერში ის 37% შეადგენს. ეს მაჩვენებელი ყველაზე დაბალი 2022 წლის ივლისში იყო – 34%, ხოლო ყველაზე მაღალი – 45% – 2021 წლის ნოემბერში.