რუმინეთის პრემიერ-მინისტრმა, მარჩელ ჩოლაკუმ განაცხადა, რომ მმართველი „სოციალ-დემოკრატიული პარტია“ სამთავრობო კოალიციის შესახებ მოლაპარაკებებს გამოეთიშა. ინფორმაციას ამის შესახებ სააგენტო Reuters-ი ავრცელებს.
როგორც სააგენტო Reuters-ი აღნიშნავს, მმმართველი პარტიის აღნიშნული ნაბიჯი ქვეყანაში პოლიტიკურ კრიზისს აღრმავებს.
რუმინეთის მმართველი პარტია აწარმოებდა მოლაპარაკებებს ფართო კოალიციის შესაქმნელად სამ სხვა პროევროპულ პარტიასთან, თუმცა შეთანხმება ვერ შედგა რეფორმების გეგმებთან დაკავშირებით აზრთა სხვაობის გამო.
„სამწუხაროდ, თქვენ ვერ შექმნით რაიმე გამძლე კავშირს პარტნიორებთან, რომლებსაც არ შეუძლიათ საკუთარი ეგოსა და იდეოლოგიური კლიშეების დაძლევა“, – აღნიშნა რუმინეთის პრემიერმა.
კომენტარები