აშშ-ს მთავრობას არ მართავენ ის ადამიანები, რომლებსაც ჩვენ ხმა მივეცით, – განაცხადა ერთ-ერთ ინტერვიუში აშშ-ს ეროვნული დაზვერვის სააგენტოს ხელმძღვანელობის კანდიდატმა ტულსი გაბარდმა.
ამგვარად, მან გასცა პასუხი კითხვაზე, სინამდვილეში ვინ მართავს აშშ-ს მთავრობას.
„ჩვენ ვნახეთ რა მოხდა, როდესაც ბაიდენმა ჩაატარა ის სამწუხარო დებატები პრეზიდენტ დონალდ ტრამპთან, ამან რეალობას ახადა ფარდა, რომელსაც ბევრი ჩვენგანი დიდი ხნის განმავლობაში ვერ ხედავდა. კერძოდ, ცხადი გახდა ის, რომ პრეზიდენტი ბაიდენი არ იყო ის ადამიანი, რომელიც გადაწყვეტილებებს იღებდა“, – განაცხადა გაბარდმა.
მისი თქმით, ასე მოხდებოდა კამალა ჰარისის შემთხვევაშიც, თუ ის გაიმარჯვებდა აშშ-ს საპრეზიდენტო არჩევნებში.
გაბარდი „დემოკრატიული ელიტის“ ინტრიგებზე საუბრობს. ის აღნიშნავს, რომ სახელმწიფოს მართავენ „დემოკრატიული ელიტის“ წარმომადგენლები, მათ შორის ჰილარი კლინტონი, ბარაკ ობამა, ენტონი ბლინკენი, ჯეიკ სალივენი და ის ადამიანები, რომლებიც სამხედრო-სამრეწველო კომპლექსში არიან.
მისი თქმით, ისინი მდიდრდებიან გამუდმებული ომის სტადიის მეშვეობით. გაბარდმა აღნიშნა, რომ სარგებელს ნახულობენ ასევე მათი მეგობრები – ესენი არიან მილიარდერები, მედია საშუალებები, რომლებიც იძენენ მეტ უფლებამოსილებას და შესაძლებლობებს მაშინ, როდესაც ხალხი იმყოფება გამუდმებული კრიზისისა და ომის ფაზაში.