20 დეკემბერს, დილით, რუსეთმა კიევზე სარაკეტო შეტევა განახორციელა. ნამსხვრევებმა ველიკა ვასილკოვსკას ქუჩაზე მდებარე წმინდა ნიკოლოზის ეკლესია დააზიანა.
ამ ინფორმაციას უკრაინის აღდგენის საერთაშორისო ინსტიტუტი ავრცელებს.
აფეთქების ტალღამ ეკლესიის ფასადზე ვიტრაჟები დააზიანა და კედლების ნგრევა გამოიწვია.
ასევე ჩაიმსხვრა მუსიკის ეროვნული სახლის მიმდებარე ადმინისტრაციული შენობის მინები. ზარალი მიადგა ტორონტოს ბიზნეს-ცენტრის შენობაც: ჩამტვრეულია მინები, დაზიანებულია ფასადი და სახურავი.
კიევის წმინდა ნიკოლოზის ეკლესია კათოლიკური ტაძარია. იგი 1899-1909 წლებში, ნეოგოთიკურ სტილში, უკრაინელი და პოლონელი არქიტექტორის, ვლადისლავ გოროდეცკის მიერ, ს. ვალოვსკის დიზაინის მიხედვით აშენდა.
რა არის ცნობილი 20 დეკემბერს კიევზე განხორციელებული სარაკეტო თავდასხმის შესახებ
20 დეკემბერს, დილის 6:45 საათზე, უკრაინის დედაქალაქში საჰაერო თავდასხმის განგაში გამოცხადდა, რასაც მალევე აფეთქებების სერია მოჰყვა და ქალაქში საჰაერო თავდაცვის ძალებმა დაიწყეს მუშაობა.
თავდასხმის შედეგად, კიევის გოლოსეევსკის, სოლომიანსკის, შევჩენკოვსკის და დნეპრის რაიონებში ნამსხვრევები ჩამოვარდა, გაჩნდა ხანძარი და გათბობის მაგისტრალი დაზიანდა.
KiaA-ს ინფორმაციით, დილის 10:30 საათის მონაცემებით, ერთი ადამიანი დაიღუპა, ათი კი დაშავდა, რომელთაგან ექვსი საავადმყოფოში გადაიყვანეს.