მხოლოდ მისთვის, ვისაც უნდა, რომ მართლმსაჯულება იყოს ფეხქვეშ გათელილი, ვისაც აწყობს დესტრუქციული პროცესები, შეიძლება იყოს მიუღებელი ალენ ბერსეს მოწოდება, დიალოგის მეშვეობით გადაწყდეს ყველა ის საკითხი და კითხვა, რომელთან დაკავშირებითაც მხარეები და პოლიტიკური პროცესის აქტორები ვერ თანხმდებიან, – განაცხადა საქართველოს ელჩმა ევროპის საბჭოში თამარ ტალიაშვილმა გადაცემაში „იმედის კვირა“.
„ძალიან მნიშვნელოვანი იყო, რომ ალენ ბერსეს ვიზიტი შეფასდა ასევე ევროკავშირის გადმოსახედიდან, რომელიც გაჟღერდა ოლაფ შოლცის განცხადებაში, როდესაც მან თქვა, რომ ის დაელოდება და ევროკავშირი ელოდება ასევე ალენ ბერსეს მიგნებებს იმისთვის, რომ ევროკავშირმა გადადგას თავისი შემდგომი ნაბიჯები“, – აღნიშნა თამარ ტალიაშვილმა.
კომენტარები