აშშ-ში, კოლორადოს შტატში, სამთო-სათხილამურო კურორტზე საბაგიროს დაზიანების გამო, 174 მოთხილამურისა და სნოუბორდისტის ევაკუაცია გახდა საჭირო. ინფორმაციას CNN-ი ავრცელებს.
მედიის ცნობით, Winter Park Resort-ში, საბაგირო ავტომატურად გაჩერდა, როდესაც სისტემამ ლიფტის სტრუქტურულ ნაწილში ბზარი აღმოაჩინა.
კურორტის წარმომადგენლის განმარტებით, საბაგირო გზის გონდოლებში მყოფი მოთხილამურეებისა და სნოუბორდისტების ევაკუაციის პროცესი, დაახლოებით, 5 საათის განმავლობაში მიმდინარეობდა.
მისივე განმარტებით, შემთხვევის შედეგად არავინ დაშავებულა. მაშველებმა, თითოეული მგზავრი ინდივიდუალურად, სპეციალური ტექნიკის გამოყენებით ჩამოიყვანეს.
კომენტარები