სირიის ქალაქ ჰამაში საშობაო ნაძვის ხის დაწვის გამო საპროტესტო აქციები დაიწყო. ინფორმაციას ამის შესახებ „ბიბისი“ ავრცელებს.
სოციალურ მედიაში გავრცელებულ ვიდეოში ჩანს, როგორ წვავენ ნიღბიანი შეიარაღებული პირები ნაძვის ხეს უმეტესად ქრისტიანებით დასახლებულ ქალაქის მთავარ მოედანზე.
ისლამისტური დაჯგუფებაში, რომელიც ბაშარ ასადის წინააღმდეგ აჯანყებას ხელმძღვანელობდა, აცხადებენ, რომ ნაძვის ხის დაწვაზე პასუხისმგებელი პირები უცხოელი მებრძოლები იყვნენ და ისინი უკვე დაკავებულები არიან.
აქციის მონაწილეები სირიაში მცხოვრები რელიგიური უმცირესობებისთვის სამართლიანობას ითხოვენ.
„ჩვენ ვითხოვთ სამართლიანობას ქრისტიანებისთვის, თუ ჩვენს ქვეყანაში არ შეგვიძლია ვიცხოვროთ ჩვენი რელიგიის მიხედვით, მაშინ ეს ჩვენი ქვეყანა აღარ არის“, – აცხადებს აქციის ერთ-ერთი მონაწილე.
კომენტარები