სწორედ ის ტრენაჟორები და სპორტული ინვენტარი მოგვიტანეს, რაც ყველაზე მეტად სჭირდებოდათ ჩვენს ბავშვებს – ამის შესახებ ინფორმაციას, სოციალურ ქსელში, ბერი ანდრიას ფონდი ავრცელებს.
“ჩვენი საყვარელი, სახელოვანი სპორტსმენები – 3 გზის ოლიმპიური ჩემპიონი ლაშა ტალახაძე, 2 გზის ოლიმპიური ჩემპიონი ლაშა ბექაური, ოლიმპიური ჩემპიონი გენო პეტრიაშვილი და ოლიმპიური ვიცე-ჩემპიონი, ილია სურმანიძე – რომელმაც, ბავშვების თხოვნით, ბექასთან ერთად, გვიმღერა – წინასაახალწლოდ, მეგობრებთან ერთად გვეწვივნენ, ძალიან გაახარეს ჩვენი შვილობილები!
სპორტსმენებმა კარგად იციან რა არის საჭირო რეაბილიტაციისთვის – სწორედ ის ტრენაჟორები და სპორტული ინვენტარი მოგვიტანეს, რაც ყველაზე მეტად სჭირდებოდათ ჩვენს ბავშვებს!
ულევი წარმატება, წინსვლა თქვენ – ლაშა, ლაშა, გენო და ილია!”- წერია ბერი ანდრიას ფონდის განცხადებაში.