არ ვიცი, ჩვენს ისტორიაში პირველად ვნახავთ თუ არა პირდაპირ რეალიზებულ ხატოვან გამოთქმას, რომ „ვიღაცა თავის სკამს ჩაებღაუჭა“, მაგრამ სასახლიდან ზურაბიშვილის გამოსვლის საკითხი უკვე სასაცილო თემად იქცა, – ამის შეახებ პარლამენტის თავმჯდომარემ, შალვა პაპუაშვილმა განაცხადა.
მისი თქმით, ყველა ხვდება, რომ ქართულ საზოგადოებას და სახელმწიფოს წინ რადიკალები და ექსტრემისტები ვერ დაუდგებიან.
„რაც შეეხება სასახლიდან ზურაბიშვილის გასვლას, უკვე სასაცილო თემად არის ქცეული. არ ვიცი, გვექნება თუ არა საზოგადოებას შესაძლებლობა, რომ ჩვენს ისტორიაში პირველად ვნახოთ რეალიზებული ხატოვანი გამოთქმა, რომ ვიღაცა თავის სკამს ჩაებღაუჭა. ამას პირდაპირი გაგებით მართლა თუ ვნახავთ, რომ ქალბატონი სალომე ხელებით ჩაებღაუჭება თავის სავარძელს, ქართული საზოგადოებისგან დაცინვის გარდა არაფერი არ მოჰყვება. მაგრამ, მე არ მგონია, ასეთ ნაბიჯზე წავიდეს ან ქალბატონი სალომე, ან ისინი, ვინც მისი მრჩევლები არიან. ყველა ხვდება, რომ ქართულ საზოგადოებას და სახელმწიფოს წინ რადიკალები და ექსტრემისტები ვერ დაუდგებიან“, – განაცხადა შალვა პაპუაშვილმა.