“ჰუსიტებს ისრაელზე თავდასხმის საშუალებას არ მივცემთ”

ჰუსიტებს ისრაელზე თავდასხმის საშუალებას არ მივცემთ, – განაცხადა ისრაელის პრემიერ-მინისტრმა, ბენიამინ ნეთანიაჰუმ.

ბენიამინ ნეთანიაჰუმ კომენტარი მას შემდეგ გააკეთა, რაც ისრაელის არმიამ დაადასტურა, რომ საჰაერო დარტყმები განახორციელა იემენელი ჰუსიტების მიერ კონტროლირებადი სამიზნეების წინააღმდეგ.

„ჩვენ მხოლოდ ახლა დავიწყეთ. ჰუსიტებს ისრაელზე თავდასხმის საშუალებას არ მივცემთ არც დღეს და არც სხვა დღეს. სანამ გაკვეთილს არ ისწავლიან, მათ დავარტყამთ. როგორც ვთქვი, „ჰამასმა“ ისწავლა გაკვეთილი, „ჰეზბოლამ“ ისწავლა და სირიამაც. ჰუსიტებიც ისწავლიან“, – აღნიშნა ისრაელის მთავრობის მეთაურმა.