რუსეთში აცხადებენ, რომ რამდენიმე რეგიონში 13 დრონი ჩამოაგდეს, ქვეყნის რამდენიმე აეროპორტში შეზღუდვები იყო დაწესებული.
რუსეთის ხელისუფლების ინფორმაციით, „13 უკრაინული უპილოტო საფრენი აპარატიდან ხუთი დრონი ჩამოგდებულია ბრიანსკის ოლქის ტერიტორიაზე, სამი – კურსკის ოლქის ტერიტორიაზე, ორ-ორი – ბელგოროდისა და ტულის ოლქების ტერიტორიაზე და ერთი – ასტრახანის ოლქის ტერიტორიაზე“.
კურსკის ოლქის მთავრობის ინფორმაციით, რეგიონის ტერიტორიაზე ასევე ჩამოაგდეს რაკეტა.
„როსავიაცია“ ასევე იუწყება, რომ სოჭისა და ყაზანის აეროპორტებში დროებითი შეზღუდვები „ფრენების უსაფრთხოების უზრუნველსაყოფად“ დაწესდა.
რუსული მედიის ინფორმაციით, შეზღუდვები ასევე დაწესდა ვოლგოგრადისა და ასტრახანის აეროპორტებში.
კომენტარები