ოკუპანტ ქვეყანაში რამის გაყიდვა და იქიდან ფულის გამოტანა არ არის ცუდი ქმედება, – განუცხადა „ქრონიკას“ კომპანია „ვინივერიას“ თანადამფუძნებელმა გია პირადაშვილმა. ამასთან, იგი ახდენს შედარებას ჩინეთთან და აცხადებს, რომ მისთვის „არც ჩინეთია მისაღები, როგორც პოლიტიკური ქვეყანა“.
ხოლო დაზუსტებაზე, რომ ჩინეთი ოკუპანტი არ არის, პირადაშვილი პასუხობს:
„მერე, რა მოხდა. ოკუპანტ ქვეყანაში რამის გაყიდვა და იქიდან ფულის გამოტანა არ არის ცუდი ქმედება… ვისურვებდი, რომ მეტი იყოს [თანხა].
მმართველი გუნდი ასაჯაროებს იმ კომპანიების სიას, რომლებიც რუსეთის ბაზარზე ოპერირებით მსხვილ შემოსავლებს იღებენ. აღნიშნულ კომპანიებს შორის არის „ვინივერიაც“, რომელმაც 2021-2024 წლებში რუსეთში ექსპორტიდან 11,192,775 ლარის ოდენობის შემოსავალი მიიღო.
საუბარია კომპანიებზე, რომლებიც „ქართული ოცნების“ ხელისუფლებას მუდმივად აკრიტიკებენ იმის გამო, რომ რუსეთ-უკრაინის ომის პარალელურად, საქართველომ რუსეთის ბაზარი ქართველი მეწარმეებისთვის გახსნილი დატოვა.