5 გარდაცვლილი და ათობით დაშავებული – გერმანიაში, ახალი წლის ღამეს, არალეგალური პიროტექნიკის ქუჩაში გასროლისთვის, 400-ზე მეტი პირი დააკავეს – ამის შესახებ ამერიკული გამოცემა “ვაისი” წერს.
დაშავებულთა შორის იყვნენ ბავშვები და 30 სამართალდამცველი. ბერლინში, გადაუდებელი დახმარების თანამშრომლების მიმართულებით, პიროტექნიკის სროლის 13 შემთხვევა დაფიქსირდა.
პოლიციის ინფორმაციით, დამნაშავეები როგორც სახლში დამზადებულ, ასევე აკრძალული ტიპის პიროტექნიკას ისროდნენ.
ბერლინის სახანძრო დეპარტამენტის ინფორმაციით, ადგილი ჰქონდა 1892 ინციდენტს, რაც შარშანდელზე 294-ით მეტია.
ერთ-ერთი საავადმყოფოს წარმომადგენელმა მედიას უთხრა, რომ პიროტექნიკით დაშავებულთა რაოდენობა შარშანდელთან შედარებით მეტი არ იყო, თუმცა ჭრილობები ბევრად უფრო მძიმეა. დასახიჩრებულებს დაზიანებები, ძირითადად, თვალების, სახის და ხელების არეში აქვთ მიყენებული.
გერმანელი პოლიტიკოსები მთავრობას პიროტექნიკის რეალიზაციის აკრძალვისკენ მოუწოდებენ.