აშშ-ის არჩეულმა პრეზიდენტმა დონალდ ტრამპმა სოციალურ ქსელ X-ში ამერიკის მოქმედი პრეზიდენტის ჯო ბაიდენის საიმიგრაციო პოლიტიკა მკაცრად გააკრიტიკა.
ტრამპის აზრით, ბაიდენის ღია საზღვრის პოლიტიკის შედეგად ქვეყანაში რადიკალური ტერორიზმი გაღვივდა. თეთრი სახლის მომავალმა ლიდერმა 1 იანვრის ღამეს, ახალ ორლეანში მომხდარი ტერორისტული თავდასხმა იგულისხმა, როდესაც მამაკაცი ხალხში სატვირთო ავტომობილით შეიჭრა.
თავდასხმის შედეგად 15 ადამიანი დაიღუპა, 35 კი დაშავდა. ამავე დღეს ლას ვეგასში ტრამპის სასტუმროსთან ილონ მასკის კუთვნილი, კომპანია ტესლას ავტომობილი აფეთქდა. ფედერალური ბიუროს უკანასკნელი მონაცემებით, ორივე ერთმანეთისგან განცალკევებული შემთხვევები იყო.
კომენტარები