უკრაინაში ომის შესაჩერებლად, რუსულ ნავთობზე სანქციების გამკაცრებაა საჭირო. ამ შინაარსის სტატიას Bloomberg-ი აქვეყნებს.
სააგენტოს ცნობით, დასავლეთმა შეზღუდვების აღსრულება უნდა გააუმჯობესოს. სტატიაში ვკითხულობთ, რომ რუსულ ნავთობზე ფასის შეზღუდვა თავდაპირველად მუშაობდა, თუმცა შემდეგ კრემლმა ჩრდილოვანი ფლოტის საშუალებით სანქციების გვერდის ავლა მოახერხა, რის შემდეგად დასავლეთის ძალისხმევის პროგრესი შემცირდა.
Bloomberg-ის სტატიაში აღნიშნულია, რომ შეზღუდვებზე გამკაცრებული კონტროლი არაეფექტიანი გამოდგა. პარალელურად კი, სტატიის თანახმად, ცალკეული ქვეყნები რუსეთისგან შეძენილ გადამუშავებულ ნავთობს ევროკავშირში სრულად ლეგალურად ყიდიან. ბლუმბერგის ინფორმაციით, რეალური შედეგის მისაღწევად აუცილებელია სანქციების სამიზნე, მყიდველები გახდნენ. მათ შორის გადამამუშავებელი მწარმოებლები.