უკრაინის თავდაცვის საკონტაქტო ჯგუფის შეხვედრა, რომელიც „რამშტაინის“ ფორმატით არის ცნობილი, 9 იანვარს გერმანიაში გაიმართება. ინფორმაციას უკრაინული მედია ავრცელებს.
„რამშტაინის“ რიგით 25- ე შეხვედრას აშშ-ის თავდაცვის მდივანი ლოიდ ოსტინი უხელმძღვანელებს. წინა შეხვედრა, რომელიც 2024 წლის ოქტომბერში იყო დანიშნული გადაიდო. მასში პირველად უნდა მიეღოთ მონაწილეობა უკრაინის პარტნიორი სახელმწიფოების ლიდერებს, თუმცა სხდომა მას შემდეგ ჩაიშალა, რაც ჯო ბაიდენი ამერიკაში მძვინვარე ქარიშხლის, მილტონის გამო, გერმანიაში არ ჩავიდა.
უკრაინის თავდაცვის საკონტაქტო ჯგუფი 2022 წელს შეიქმნა. მისი პირველი სხდომა 2022 წლის 26 აპრილს გერმანიაში, რამშტაინის ავიაბაზაზე გაიმართა. უკრაინის თავდაცვის საკონტაქტო ჯგუფი 50-ზე მეტ ქვეყანას, მათ შორის საქართველოს, აერთიანებს.
კომენტარები