აშშ-ს არჩეულმა პრეზიდენტმა დონალდ ტრამპმა მაიკ ჯონსონს წარმომადგენელთა პალატის სპიკერად არჩევა მიულოცა.
როგორც ამერიკის ახლად არჩეული პრეზიდენტი სოციალურ ქსელში წერს, ჯონსონი შესანიშნავი სპიკერი იქნება.
„ვულოცავ სპიკერ მაიკ ჯონსონს კონგრესში უპრეცედენტო ნდობის მოპოვებას. მაიკი იქნება დიდებული სპიკერი, ხოლო ჩვენი ქვეყანა იქნება ბენეფიციარი. ამერიკის ხალხი ოთხი წელი ელოდებოდა საღ აზრს, სიძლიერესა და ლიდერობას. ისინი მიიღებენ ამას ახლა და ამერიკა უფრო დიადი იქნება, ვიდრე ოდესმე“, – განაცხადა ტრამპმა.
აშშ-ს 119-ე მოწვევის კონგრესი მუშაობას ოფიციალურად შეუდგა. რესპუბლიკურ პარტიას კონგრესის ორივე პალატაზე სრული კონტროლი აქვს. პირველივე სამუშაო დღეს წარმომადგენელთა პალატის სპიკერად ისევ მაიკ ჯონსონი აირჩიეს. აღსანიშნავია, რომ ამ თანამდებობაზე ჯონსონის დატოვება არჩეული პრეზიდენტის, დონალდ ტრამპის ინიციატივა იყო.