აშშ-ის სახელმწიფო მდივანი ლოიდ ოსტინი 7 იანვარს რამშტაინის ავიაბაზაზე უკრაინის თავდაცვის საკონტაქტო ჯგუფის 25-ე შეხვედრაში მიიღებს მონაწილეობას. ინფორმაციას ამის შესახებ პენტაგონი ავრცელებს.
პენტაგონის პრესმდივნის მოადგილე საბრინა სინგჰი ამბობს, რომ რამშტაინის ფორმატის შეხვედრაში ოსტინის მონაწილეობის მიზანია, მსოფლიოს სხვა ქვეყნების თავდაცვის მინისტრებსა და სამხედრო ლიდერებთან ერთად დაადასტუროს ერთგულება უკრაინის მიმართ.
„მდივანი ოსტინი ფოკუსირებული იქნება პრაქტიკული და კოორდინირებული მხარდაჭერის უზრუნველყოფაზე, რომელიც გააძლიერებს უკრაინის უნარს, დაიცვას საკუთარი თავი დღეს და მოიგერიოს აგრესია მომავალში“, – განაცხადა აშშ-ის თავდაცვის დეპარტამენტის წარმომადგენელმა.
კომენტარები