ისრაელის დარტყმას ქალაქ ღაზაში 12 ადამიანი ემსხვერპლა. ადგილობრივი ჯანდაცვის უწყების ცნობით, ბოლო ერთი დღის განმავლობაში ღაზის სექტორში ისრაელის ავიადარტყმების შედეგად 65-ზე მეტი ადამიანი გარდაიცვალა.
თვითმხილველთა თქმით, დარტყმა საცხოვრებელ სახლზე განხორციელდა, სადაც სულ მცირე 14 ადამიანი იმყოფებოდა. დაღუპულთა შორის არიან ბავშვები.
ღაზის სექტორში ისრაელის სამხედრო ოპერაციის პარალელურად, დოჰაში ცეცხლის შეწყვეტის შესახებ მოლაპარაკებები უნდა განახლდეს კატარის და ეგვიპტის შუამავლობით. დოჰაში გაემგზავრნენ ისრაელის წარმომადგენლები. ამასთან, აშშ-ის პრეზიდენტის, ჯო ბაიდენის ადმინისტრაცია მოძრაობა „ჰამასს“ მოუწოდებს, შეთანხმებას დათანხმდეს.
კომენტარები