უკრაინის დაზვერვის ოპერაციის შედეგად ზაპოროჟიეს რეგიონში „შტორმ ოსეტიას“ ბატალიონის შტაბის მეთაური სერგეი მელნიკოვი მოკლეს.
ეს არის მოიერიშე დაჯგუფება, რომელიც რუსეთის შეიარაღებული ძალების 429-ე მოტომსროლელი ლეგიონის შემადგენლობაში შედის.
ბატალიონი შტაბის მეთაურზე თავდასხმა 29 დეკემბერს მოხდა. გავრცელებული ინფორმაციის თანახმად, „კრაკენის“ სპეცრაზმის ჯარისკაცებმა მიიღეს ოპერატიული ინფორმაცია რუსეთის ჯარების ბატალიონის შტაბის უფროსის გადაადგილების მარშრუტისა და განრიგის შესახებ. საჰაერო დაზვერვის ოფიცრებმა მოაწყეს ჩასაფრება FPV უპილოტო თვითმფრინავის გამოყენებით. ოპერაციის დროს მზვერავებმა აიძულეს UAZ Patriot-ის ტიპის მანქანის, რომლითაც მელნიკოვი მოძრაობდა, მძღოლი, შეეცვალა მარშრუტი. მანქანა თხრილში ჩავარდა, რის შემდეგაც სამხედროებმა „კამიკაძე“ დრონით თავდასხმა განახორციელეს.
„შტორმ ოსეტია“ არის მოხალისეთა სამხედრო რაზმი, რომელიც ჩამოყალიბდა ჩრდილოეთ ოსეთ-ალანიის რესპუბლიკაში და მონაწილეობს საბრძოლო ოპერაციებში უკრაინის ტერიტორიაზე. დანაყოფში ასევე იბრძვიან მოხალისეები ოკუპირებული სამხრეთ ოსეთიდან.