თოვლისა და ყინვის გამო გერმანიის სამ აეროპორტში რეისები გაუქმდა. უამინდობამ შეაფერხა მიუნხენის, ფრანკფურტისა და შტუტგარტის აეროპორტები.
ფრანკფურტის აეროპორტის ინფორმაციით, დღის განმავლობაში გაუქმდა 120 ავიარეისი, მათ შორის ისეთი მიმართულებებით, როგორებიცაა პარიზი, ვენეცია და პრაღა.
გერმანული მედიის ცნობით, თოვლის გამო მიუნხენის აეროპორტში ხილვადობა იყო შემცირებული, რამაც რეისების მიღება და გამგზავრება შეაფერხა.
გერმანიის მეტეოროლოგიური სამსახური ქვეყნის მოსახლეობას ყინვისა და უხვი ნალექის შესახებ აფრთხილებს, განსაკუთრებით, ბავარიაში.
რთულმა მეტეოროლოგიურმა პირობებმა ასევე გავლენა იქონია რკინიგზის მუშაობაზე.
ოპერატორი კომპანიის, „დოიჩე ბანის“ განცხადებით, ამინდის გამო შეფერხდა გრძელ მანძილზე რეისები, ზოგიერთ შემთხვევაში კი მთლიანად გაუქმდა.
კომენტარები