უკრაინის პრეზიდენტის, ვოლოდიმირ ზელენსკის განცხადებით, რუსეთ-უკრაინის ომი როდესაც დასრულდება, ამერიკის პრეზიდენტი ტრამპი „შეიძლება გახდეს პირველი ლიდერი, რომელიც უკრაინაში თვითმფრინავით ჩაფრინდება“. აღნიშნულის შესახებ ზელენსკიმ ლექს ფრიდმანთან ინტერვიუში განაცხადა.
ასევე, ზელენსკის თქმით, ძალის მეშვეობით მშვიდობის მიღწევის შესახებ უკრაინა იმავე პოზიციას იზიარებს, რასაც ტრამპი.
„ძლიერი თუ ხარ, შეგიძლია, ისაუბრო. ყოველთვის უნდა ელაპარაკო იმას, ვინც გისმენს. უნდა ილაპარაკო მაშინ, როდესაც იცი, რომ ეს სარგებელს მოგიტანს, მოიტანს მშვიდობას, დაამშვიდებს სამყაროს და არა პირიქით. მე მომეწონა პრეზიდენტ ტრამპის გზავნილი. ვფიქრობ, ჩვენ ვიზიარებთ პოზიციას მშვიდობაზე ძალის გზით. ეს არის ძალიან მნიშვნელოვანი. ეს ნიშნავს, რომ ძლიერი თუ ხარ, შენ შეგიძლია ილაპარაკო და ჩვენ გვჭირდება, ვიყოთ ძლიერები. უკრაინა უნდა იყოს ძლიერი, საკმარისად ძლიერი. სხვა შემთხვევაში, რისთვის?“, – განაცხადა ზელენსკიმ.
ამავე ინტერვიუში ზელენსკიმ განაცხადა, რომ რუსეთ-უკრაინის ომის შეწყვეტის შესახებ პირველი მოლაპარაკებები ტრამპთან გაიმართება მისი ინაუგურაციის შემდეგ, ამის შემდეგ კი ვლადიმერ პუტინთან.