უკრაინის პრეზიდენტმა ვოლოდიმირ ზელენსკიმ ამერიკელ ჟურნალისტთან ლექს ფრიდმანთან ინტერვიუში განაცხადა, რომ ის აშშ-ის არჩეული პრეზიდენტის დონალდ ტრამპის 20 იანვარს გასამართ ინაუგურაციაზე დაპატიჟების გარეშე არ ჩავა.
„სიმართლე რომ გითხრათ, არ შემიძლია ჩამოსვლა, განსაკუთრებით ომის დროს და თუ პრეზიდენტი ტრამპი მე პირადად არ დამპატიჟებს. ეს უბრალოდ ლამაზი არ იქნება“, – თქვა ზელენსკიმ.
მან აგრეთვე აღნიშნა, რომ საერთოდ ქვეყნის ლიდერებს აშშ-ის პრეზიდენტების ინაუგურაციაზე არ ეპატიჟებიან.
„ვიცი, რომ არსებობენ ლიდერები, რომლებსაც შეუძლიათ მარტივად ჩასვლა. მოისურვებენ და ჩავლენ. მე ზოგი ადამიანის ტემპერამენტს ვიცნობ. მათ შეუძლიათ თავად ჩასვლა. ჩემთვის კი ეს ძალიან მძიმეა. მე ასეთი ადამიანი ვარ, სტუმრად დაპატიჟების გარეშე არ დავდივარ. პუტინს ჩვენ არ ვეპატიჟებოდით, ის თავად მოვიდა ჩვენთან. ხოლო მე მასე არ შემიძლია“, – აღნიშნა ზელენსკიმ.