უკრაინის პრეზიდენტმა ვოლოდიმირ ზელენსკიმ ამერიკელ ჟურნალისტთან ლექს ფრიდმანთან ინტერვიუში დასავლეთი არასაკმარისი სამხედრო დახმარების გამო გააკრიტიკა.
ზელენსკის თქმით, დასავლეთს უკრაინისთვის რუსეთთან ომის დაწყებამდე უნდა გაეწია სამხედრო დახმარება.
„მე, პირველ რიგში, აშშ-ს ვთხოვდი; „თუ თქვენ დარწმუნებულები ხართ, რომ გაქვთ მტკიცებულებები, ესაუბრებით [პუტინს], ის გეუბნებათ, რომ შეიჭრება [უკრაინაში]. თუ ეს თქვენ გაშინებს, მე არ ვითხოვ მტკიცებულებებს. მომეცით ორი რამ: გაგვაძლიერეთ იარაღით და იმ წინაპირობებით, რომ ომი არ იქნება“, – თქვა მან.
ზელენსკის თქმით, ის დასავლეთს ომის დაწყებამდე რუსეთისთვის სანქციების დაწესებასაც სთხოვდა. უკრაინის პრეზიდენტი მიიჩნევდა, რომ დასავლეთს სანქციებით პუტინი უნდა შეეშინებინა, რათა მას ომი არ დაეწყო.
ფრიდმანის დამაზუსტებელი შეკითხვის შემდეგ იმის თაობაზე, უკრაინას გაუწიეს თუ არა საკმარისი სამხედრო დახმარება, ზელენსკიმ უპასუხა, რომ არა. „და ეს ფაქტია“, – აღნიშნა მან.