საფრანგეთის პრეზიდენტმა, ემანუელ მაკრონმა აშშ-ის მთავრობის ეფექტიანობის დეპარტამენტის მომავალი ხელმძღვანელი, ილონ მასკი ევროპის პოლიტიკურ ცხოვრებაში ჩარევაში დაადანაშაულა. ინფორმაციას ფრანგული მედია ავრცელებს.
„ათი წლის წინ, ვინმეს რომ ეთქვა, რომ მსოფლიოში ერთ-ერთი უდიდესი სოციალური ქსელის მფლობელი მხარს დაუჭერდა ახალ რეაქციულ საერთაშორისო მოძრაობას და პირდაპირ ჩაერეოდა არჩევნებში, მათ შორის გერმანიაში, ვინ წარმოიდგენდა ამას? ”, – განაცხადა ემანუელ მაკრონმა საფრანგეთის ელჩებთან სიტყვით გამოსვლისას.
სახელმწიფოს მეთაურმა ხაზგასმით აღნიშნა, რომ შეერთებული შტატების არჩეულ პრეზიდენტს, დონალდ ტრამპს ჰყავს მტკიცე მოკავშირე საფრანგეთში, მოკავშირე, რომელიც მას არ სძულს.
კომენტარები