ბრიტანეთის ელჩი საქართველოში გარეტ უორდი, სოფელ საბერიოში მომხდარ ტრაგედიასთან დაკავშირებით მწუხარებას გამოთქვამს.
დიპლომატმა ვიდეო მიმართვა გაავრცელა, სადაც ის დაღუპული ბავშვების ახლობლებსა და ნათესავებს უსამძიმრებს.
„შობის პერიოდს ადამიანები უნდა ატარებდნენ თბილად და უსაფრთხოდ, საკუთარ ოჯახთან ერთად. განსაკუთრებით ვწუხვარ იმ საშინელი ამბის გამო, რომელიც გალის რეგიონში მოხდა, სადაც ტრაგიკულად ხანძრის დროს დაიღუპა 5 ბავშვი. დიდი ბრიტანეთის სახელით მინდა გამოვხატო სამძიმარი ნათესავებსა და ახლობლების მიმართ. შობას მშვიდობას და ჯანმრთელობას გისურვებთ ყველას“, – ნათქვამია ელჩის ვიდეო-მიმართვაში.
სოფელ საბერიოში ხანძარს გუშინ ხუთი ბავშვი ემსხვერპლა. შემთხვევის დროს ისინი ბებიასთან ერთად იმყოფებოდნენ. მაშველებმა მხოლოდ ბებიის გადარჩენა შეძლეს.
კომენტარები