რუსული გაზის მიწოდების აკრძალვის მოწოდებების მიუხედავად, ევროპული ქვეყნები რეკორდული რაოდენობით ყიდულობენ სუპერ გაციებულ საწვავს რუსეთიდან. ინფორმაციას ამის შესახებ სააგენტო Bloomberg-ი ავრცელებს.
სააგენტო Bloomberg-ი აღნიშნავს, რომ სიტუაცია ხაზს უსვამს იმას, თუ რამდენად რთულია ევროპისთვის რუსეთთან კავშირების გაწყვეტა, რომელმაც ბოლო ათწლეულის განმავლობაში, კონტინენტზე ნედლეულის საქონლის ძირითად მიმწოდებლად დაიმკვიდრა თავი.
„მოსკოვმა აჩვენა, რომ მაშინაც კი, როდესაც ბაზრების ერთი გზა იხურება, ხშირად სხვა გზები კვლავ ღიაა რუსეთისთვის“, – ნათქვამია სტატიაში.
აღსანიშნავია, რომ რუსული თხევადი ბუნებრივი აირის იმპორტმა ევროკავშირში გასულ წელს რეკორდულ მაჩვენებელს მიაღწია.
დეკემბრის შუა რიცხვებისთვის ევროკავშირმა 16.5 მილიონი ტონის მოცულობის რუსული თხევადი ბუნებრივი აირის იმპორტი განახორციელა.