სერბეთის დედაქალაქში სტუდენტების მიერ ორგანიზებულ ანტისამთავრობო საპროტესტო აქციაზე ათიათასობით ადამიანი შეიკრიბა.
მასობრივი საპროტესტო აქციები, ბელგრადსა და ქვეყნის სხვადასხვა ქალაქში მას შემდეგ იმართება, რაც ნოემბერში ქალაქ ნოვი სადის სარკინიგზო სადგურის სახურავის ჩამონგრევას 15 ადამიანი ემსხვერპლა.
დემონსტრანტები პრეზიდენტ ალექსანდარ ვუჩიჩის მმართველ სერბეთის პროგრესულ პარტიას კორუფციასა და ნეპოტიზმში ადანაშაულებენ, რასაც ვუჩიჩი და პარტია უარყოფენ.
ბელგრადის, კრაგუევაცისა და ნიშის სახელმწიფო უნივერსიტეტების სტუდენტები ითხოვენ ნოვი სადის სადგურის რეკონსტრუქციასთან დაკავშირებული ყველა დოკუმენტის გამოქვეყნებას, ასევე მომხდარზე პასუხისმგებელი ოფიციალური პირების სისხლის სამართლებრივ დევნას.
კომენტარები