ნიკოლოზ ბასილაშვილი ოეირაშის ჩელენჯერის ტურნირის მეოთხედფინალშია.
შეჯიბრების მერვედფინალში ქართველმა ჩოგბურთელმა შვეიცარიელი მარკ ანდრეა ჰიუსლერი სამ სეტში, 4:6, 6:2, 6:2 დაამარცხა და მომდევნო ეტაპზე გავიდა, სადაც 19 წლის ბელგიელ ალექსანდერ ბლოქსს შეხვდება.
შეგახსენებთ, რომ მელბურნში, წლის პირველ დიდი სლემის ტურნირზე, ავსტრალიის ღია პირველობაზე ნიკოლოზ ბასილაშვილმა სამი საკვალიფიკაციო ეტაპი დასძლია და ძირითად ბადეში გასვლა მოახერხა, პირველ წრეში კი ჩეხ მენშიკთან 1:3 დამარცხდა.
ამ მომენტისთვის ბასილაშვილი პროფესიონალ მამაკაც ჩოგბურთელთა მსოფლიო რეიტინგში 206-ე ადგილზეა. მისი საუკეთესო შედეგი მე-16 პოზიციაა.
კომენტარები