საქალაქო სასამართლოში გიორგი ბაჩიაშვილის საქმის განხილვა მიმდინარეობს. დღეს პროცესი არსებით განხილვაზე გადავიდა, შესაბამისად, იწყება მტკიცებულებების გამოკვლევა. პროკურატურა სამ მოწმეს წარადგენს, მათ შორის არის დაზარალებულის წარმომადგენელი, ადვოკატი თეიმურაზ წიქვაძე.
პროკურორის განმარტებით, საქმეში ბაჩიაშვილის წინააღმდეგ არაერთი დოკუმენტური მტკიცებულება არსებობს. ამ გარემოებას ბრალდებული უარყოფს.
გამოძიება გიორგი ბაჩიაშვილს დიდი ოდენობით კრიპტოვალუტის მართლსაწინააღმდეგო მითვისებასა და უკანონო შემოსავლების ლეგალიზებას ედავება.
კომენტარები
