“ დიალოგი და მოლაპარაკებები უკრაინის კრიზისის მოგვარების ერთადერთი ეფექტური გზაა”

დიალოგი და მოლაპარაკებები უკრაინის კრიზისის მოგვარების ერთადერთი ეფექტური გზაა, – განაცხადა ჩინეთის საგარეო საქმეთა სამინისტროს ოფიციალურმა წარმომადგენელმა, მაო ნინმა.

კითხვაზე – აშშ-ის პრეზიდენტმა, დონალდ ტრამპმა განაცხადა, რომ იმედოვნებს, რომ ჩინეთი მთავარ და კონსტრუქციულ როლს შეასრულებს უკრაინაში კონფლიქტის დასრულებაში. გეგმავს თუ არა ჩინეთი რაიმე ახალი ზომების მიღებას უკრაინის კრიზისის მოსაგვარებლად? – ჩინეთის საგარეო უწყების სპიკერმა უპასუხა:

დიალოგი და მოლაპარაკებები უკრაინის კრიზისის მოგვარების ერთადერთი ეფექტური გზაა. მოხარულნი ვართ, რომ ყველა მხარე ასრულებს კონსტრუქციულ როლს და ქმნის პირობებს დეესკალაციისა და კრიზისის პოლიტიკური დარეგულირებისთვის. ჩინეთი გააგრძელებს სამშვიდობო მოლაპარაკებების ხელშეწყობას და მზად არის, შეინარჩუნოს კომუნიკაცია სხვა მხარეებთან.