სერბეთში მიმდინარე ანტისამთავრობო აქციების გამო, ბელგრადში სკოლები, წიგნის მაღაზიები, თეატრები და ბარები ერთი დღით დაიხურა. ინფორმაციას ამის შესახებ „როიტერი“ ავრცელებს.
როგორც მედია წერს, მოსახლეობა საპროტესტო აქციებს მართავს და აქტიურად საუბრობს კორუფციაზე, ნეპოტიზმზე და უხარისხო სამშენებლო სამუშაოებზე.
დემონსტრაციისას აქციის მონაწილეებმა 15 წუთის განმავლობაში დუმილით პატივი მიაგეს რკინიგზის სადგურის სახურავის ჩამონგრევის შედეგად დაღუპულთა ხსოვნას.
სერბეთში პროტესტი მას შემდეგ დაიწყო, რაც 2024 წლის პირველ ნოემბერს ახალგარემონტებულ სადგურზე ბეტონის ჭერი ჩამოინგრა და შედეგად 15 ადამიანი დაიღუპა.
მომხდარზე პროკურატურამ 13 ადამიანი, მათ შორის ყოფილი ინფრასტრუქტურის მინისტრი დაადანაშაულა, თუმცა ბრალი ჯერ ოფიციალურად არ წარდგენით.
მედიის ცნობით, სერბეთის პრეზიდენტი ალექსანდრ ვუჩიჩი იაგოდინაში კონტრაქციის გამართვას გეგმავდა. აქციის მონაწილეები ასევე ამბობენ, რომ ვუჩიჩმა აღმასრულებელი ხელისუფლების მითვისებით კონსტიტუცია დაარღვია.თავად ვუჩიჩი მსგავს ბრალდებებს უარყოფს.