ირლანდიაში შტორმ „ეოინს“ მამაკაცი ემსხვერპლა. ძლიერი ქარის გამო წაიქცა ხე, რომელიც მის მანქანას დაეცა, – იუწყება The Irish Times-ი.
ინციდენტი დონეგალის საგრაფოში მოხდა. მამაკაცი საჭესთან იჯდა.
ირლანდიამ განგაშის წითელი დონე შტორმ „ეოინის“ გამო ყველა საგრაფოში გამოაცხადა. ირლანდიის მეტეოროლოგიური სამსახურის ცნობით, „ეოინს“ ძლიერი და დამანგრეველი ძალა აქვს.
შტორმის გამო დაკეტილია აეროპორტები, სკოლები და სხვადასხვა საწარმოები. 715 ათასზე მეტი ოჯახი ელექტროენერგიის გარეშეა დარჩენილი.
სინოპტიკოსების თქმით, შტორმი „ეოინი“ ჩრდილოეთ ინგლისსა და შოტლანდიის ნაწილსაც შეეხება.
კომენტარები