ოპოზიციის უკვე მათ მომხრეებსაც აღარ სჯერათ, ვინაიდან ისეთი ზღაპრები, რაც მათ ატრიალეს უკარგავს ნდობას თავიანთ ამომრჩეველშიც კი, – განაცხადა საპარლამენტო ფრაქცია „ქართული ოცნების“ თავმჯდომარის მოადგილე ლევან მაჭავარიანმა.
„ოპოზიციას არანაირი გეგმა არ გააჩნია. ისინი მიჰყვებოდნენ, რა თქმა უნდა, „მაკკეინის ინსტიტუტის“ გაიდლაინს, რომ აქციები რამენაირად გადაეყვანათ სამოქალაქო დაპირისპირებაში, მაგრამ, რა თქმა უნდა, მათ ეს არ გამოუვიდათ. მანამდე ისინი გადაამზადა კანვასის ორგანიზაციამ, მანამდე აკერმანმა და ა.შ., თუმცა არაფერი არ გამოსდით, ვინაიდან მათი არავის არ სჯერა. ფაქტობრივად, მათ მომხრეებსაც არ სჯერათ, ვინაიდან ის 400 ათასი გაყალბებული ხმა და ისეთი ზღაპრები, რაც მათ ატრიალეს უკარგავს, რა თქმა უნდა, ნდობას თავიანთ ამომრჩეველშიც. შესაბამისად, არიან გეგმის გარეშე და ერთადერთი მათი სურვილია, რომ იყოს მსხვერპლი, რაღაცნაირად სიტუაცია საქართველოში აირიოს, საქართველოს შეექმნას ეკონომიკური პრობლემები, ყველანაირი მავნებლური გეგმა და მავნებლური სცენარი“, – განაცხადა მაჭავარიანმა.
მმართველ გუნდში აცხადებენ, რომ ოპოზიციას გეგმა არ აქვს და აკერმანის მეთოდებით გადამზადებულები, „მაკკეინის ინსტიტუტის“ მიერ წინასწარ შედგენილ გეგმას მიჰყვებიან. „ქართულ ოცნებაში“ მიიჩნევენ, რომ ქვეყნის ამრევები და მსხვერპლზე მეოცნებენი, ახლა ეკონომიკური კრიზისის ხელოვნურად შექმნას ცდილობენ, თუმცა მათი უკვე არც საკუთარ ამომრჩეველს აღარ სჯერა.