დაიწყო არაბთა გაერთიანებულ საამიროებში საქართველოს დელეგაციის ვიზიტი პრემიერ-მინისტრის მეთაურობით.
აბუ დაბიში შედგება შეხვედრა არაბთა გაერთიანებული საამიროების პრეზიდენტთან მის აღმატებულება მოჰამედ ბინ ზაიიდ ალ ნაჰიანთან.
დღეს გამართულ შეხვედრებზე შეიხ ნაჰიან ბინ მუბარაქ ალ ნაჰიანთან და სახელმწიფო მინისტრთან აჰმედ ალ საიეღთან ხაზგასმით აღინიშნა საქართველოსთან მეგობრული ურთიერთობების მნიშვნელობა, პოზიტიურად შეფასდა ქვეყანაში არსებული ხელსაყრელი საინვესტიციო გარემო და სამომავლო თანამშრომლობის პერსპექტივები.
ვიზიტის ფარგლებში დაგეგმილია შეხვედრები აბუ-დაბის საინვესტიციო კომპანიასა და პორტის ჯგუფთან. ასევე, ხელი მოეწერება თანამშრომლობის მემორანდუმს დეველოპერულ კომპანია EMAAR-თან.
მაღალი დონის ვიზიტი ხელს შეუწყობს ორ ქვეყანას შორის პოლიტიკური და ეკონომიკური თანამშრომლობის შემდგომ გაღრმავებას.