პარტია „ხალხის ძალის“ წევრი დავით ქართველიშვილი სოციალურ ქსელში კაია კალასის განცხადებას ეხმიანება, სადაც ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში განაცხადა, რომ საქართველოს ხელისუფლების წარმომადგენლებს დიპლომატიურ პასპორტებზე სავიზო შეზღუდვები დაუწესეს. მისი თქმით, კაია კალასის მეუღლე წილებს ფლობს კომპანიაში, რომელიც სპეციალიზებულია სატრანსპორტო გადაზიდვებში, ძირითადად რუსეთში.
„კრიტიკის პასუხად, არვო ჰალიკმა განაცხადა, რომ აპირებს კომპანიის აქციების გაყიდვას და ფინანსური მენეჯერის პოზიციის დატოვებას – მაგრამ დღემდე, ამის დამადასტურებელი ინფორმაცია უბრალოდ არ არსებობს“- წერს დავით ქართველიშვილი და განმარტავს, რომ რუსეთ-უკრაინის ომის დაწყების შემდეგ, კაია კალასის მეუღლის კომპანია რუსეთში გადაზიდვებს აგრძელებდა, რასაც საზოგადოების უკმაყოფილება მოჰყვა.
„კაია კალასის მეუღლე, არვო ჰალიკი, ფლობს წილს ორ კომპანიაში: 24.8%-ს სატრანსპორტო-ლოჯისტიკურ ფირმა Stark Logistics AS-ში და 30%-ს საწყობის კომპანია Stark Warehousing OÜ-ში. კაია კალასის მეუღლე, არვო ჰალიკი, ფლობს წილს ორ კომპანიაში: 24.8%-ს სატრანსპორტო-ლოჯისტიკურ ფირმა Stark Logistics AS-ში და 30%-ს საწყობის კომპანია Stark Warehousing OÜ-ში. Stark Logistics სპეციალიზებულია სატრანსპორტო გადაზიდვებზე, ძირითადად რუსეთში. რუსეთის უკრაინაში შეჭრამდე, კომპანია ახორციელებდა დაახლოებით 60-70 გადაზიდვას თვეში რუსეთში და უკან. ომის დაწყების შემდეგ, გადაზიდვების რაოდენობა შემცირდა და დაკავშირებული იყო ესტონურ კომპანიასთან AS Metaprint, ევროპაში ერთ-ერთ უმსხვილეს ფოლადის აეროზოლური შეფუთვების მწარმოებელთან (Metaprint ფლობს ქარხნებს ესტონეთში, ნიდერლანდებსა და რუსეთში).
ანგარიშების თანახმად, 2020 და 2021 წლებში Stark Logistics-ის გაყიდვების მოცულობა რუსეთში დაახლოებით 572 ათას ევროს შეადგენდა ყოველწლიურად. ომის დაწყების შემდეგ Stark Logistics აგრძელებდა გადაზიდვებს რუსეთში, რამაც გამოიწვია საზოგადოებრივი რეზონანსი. კრიტიკის პასუხად, არვო ჰალიკმა განაცხადა, რომ აპირებს კომპანიის აქციების გაყიდვას და ფინანსური მენეჯერის პოზიციის დატოვებას – მაგრამ დღემდე, ამის დამადასტურებელი ინფორმაცია უბრალოდ არ არსებობს,“- წერს დავით ქართველიშვილი სოციალურ ქსელში.