უდიდესი მნიშვნელობა აქვს იმ პარტნიორობას, რომელიც საქართველოს და სომხეთს მთავრობათაშორისი ეკონომიკური კომისიის ფარგლებში ჩამოუყალიბდათ, – ამის შესახებს სომხეთის საგარეო საქმეთა მინისტრმა, არარატ მირზოიანმა ერევანში ქართველ კოლეგასთან, მაკა ბოჭორიშვილთან ერთობლივ პრესკონფერენციაზე განაცხადა.
როგორც მინისტრმა აღნიშნა, სხდომის დღის წესრიგი მიმართულია პარტნიორობის გაღრმავებისკენ.
„უდიდესი მნიშვნელობა აქვს იმ პარტნიორობას, რომელიც ჩვენ ჩამოგვიყალიბდა მთავრობათაშორისი ეკონომიკური კომისიის სხდომის ფარგლებში. თუ შეხედავთ დღის წესრიგს, იმდენად ხშირია შეხვედრები, ეს ყველაფერი მეტყველებს იმაზე, რომ ჩვენი საკითხები არის მიმართული პარტნიორობის გაღრმავებისკენ. როგორც ჩემმა კოლეგამ ბრძანა, ამ საკითხებს დაუთმობენ თანათავმჯდომარეები და ისაუბრებენ, ჩვენ, რა თქმა უნდა, ამ ფორმატში ვასრულებთ მუშაობას“, – განაცხადა არარატ მირზოიანმა.