აშშ-ის პრეზიდენტის სპეციალურმა წარმომადგენელმა უკრაინასა და რუსეთში კიტ კელოგმა განაცხადა, რომ უკრაინის პრეზიდენტმა ვოლოდიმირ ზელენსკიმ მიანიშნა, რომ საკუთარ პოზიციებს ტერიტორიებთან დაკავშირებით შეარბილებს.
მისი თქმით, იმავეს გაკეთება რუსეთის პრეზიდენტს ვლადიმერ პუტინსაც მოუწევს.
„უკრაინის პრეზიდენტმა ვოლოდიმირ ზელენსკიმ უკვე მიგვანიშნა, რომ საკუთარ პოზიციას ტერიტორიებთან დაკავშირებით შეარბილებს. პუტინსაც მოუწევს საკუთარი თავისი პოზიციის შერბილება. დროთა განმავლობაში, სავარაუდოდ, უახლოეს მომავალში ჩვენ ყველასთან ერთად გავმართავთ დისკუსიას. და ეს კარგი იქნება ორივე მხარისთვის“, – თქვა კელოგმა.
მან კიდევ ერთხელ განაცხადა, რომ ვაშინგტონს სურს, რომ უკრაინაში წლის ბოლომდე არჩევნები ჩატარდეს, განსაკუთრებით, თუ ცეცხლის შეწყვეტის შეთანხმება იქნება მიღწეული.