ჩვენ რასაც გვისურვებდნენ ევროკავშირის ბიუროკრატიის წარმომადგენლები, თვითონ მიიღეს ბუმერანგივით უკან, – განაცხადა ჟურნალისტებთან საუბარში პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა ევროპის საბჭოს კონგრესის ბიუროს მიერ გაკეთებული განცხადების შესახებ საუბრისას.
„ჩვენ გვეუბნებოდნენ, რომ საქართველოში დემოკრატიას შავი დღე გაუთენდაო და ვის გაუთენდა შავი დღე ჩვენ ვნახეთ. USAID-ის სათავო ოფისი დახურეს და შავი ლენტი გააკრეს იქ წარწერის ნაცვლად. საქართველოში ამბობდნენ, რომ შავი ხვრელები არსებობსო, ამერიკელმა და ბრიტანელმა ექსპერტებმა თქვეს, რომ საქართველო არის სუფთა ამ მიმართულებით და ამ დროს ის ევროპარლამენტარები დააკავეს კორუფციის წესით, რომლებიც ამას გვაბრალებდნენ.
დღევანდელი ევროსაბჭოს ის ბიუროკრატია, რომელიც ჯერ კიდევ ვერ გარკვეულა, რომ მსოფლიოში დღის წესრიგი შეიცვალა და სხვა ქვეყანაში პოლიტიკაში ჩარევა არის ანტიდემოკრატიული პროცესი, ეს მათი პრობლემაა“, – აღნიშნა გრამ მაჭარაშვილმა.