აშშ-ის პრეზიდენტმა, დონალდ ტრამპმა მხარი დაუჭირა თავდაცვის მდივნის, პიტ ჰეგსეტის განცხადებას, რომლის მიხედვითაც, უკრაინის ნატოში გაწევრიანება არარეალისტურია.
ტრამპის თქმით, ის არ ეწინააღმდეგება უკრაინის ნატოში გაწევრიანების საკითხის დღის წესრიგიდან ამოღებას.
„მე ვიცი, რომ ჩვენმა თავდაცვის მდივანმა, რომელიც შესანიშნავია, გააკეთა განცხადება დღეს, რომელშიც ნათქვამია, რომ მიაჩნია, რომ ეს [უკრაინის ნატოში გაწევრიანება] ნაკლებად სავარაუდოა ან არაპრაქტიკულია. ვფიქრობ, ალბათ, ეს სიმართლეა. ვფიქრობ, პრეზიდენტ პუტინამდე დიდი ხნით ადრე, მათ [რუსებმა] თქვეს, რომ არავითარ შემთხვევაში არ დაუშვებდნენ ამას. ეს გრძელდება მრავალი, მრავალი წლის განმავლობაში. ისინი დიდი ხანია ამბობენ, რომ უკრაინა ნატოში ვერ შევა და მე ამის წინააღმდეგი არ ვარ“, – აღნიშნა აშშ-ის პრეზიდენტმა.