აშშ-ის სენატმა რობერტ კენედი ჯანდაცვის მდივნად დაამტკიცა. ამერიკული მედიის თანახმად, აშშ-ის კონგრესის ზედა პალატაში რობერტ კენედის მხარი დაუჭირა 52-მა კანონმდებელმა, 48 კი წინააღმდეგი იყო.
მიტჩ მაკკონელი იყო ერთადერთი რესპუბლიკელი, რომელმაც რობერტ კენედის მხარი არ დაუჭირა. დემოკრატები ერთსულოვანი იყვნენ კენედის წინააღმდეგ.
ამერიკული მედიის თანახმად, გარემოსდამცველი იურისტი, რომელსაც არ აქვს გამოცდილება ჯანდაცვის სფეროში ან მედიცინაში, ახლა გააკონტროლებს სააგენტოების ქსელს, რომელიც უზრუნველყოფს ჯანდაცვას მილიონობით ამერიკელისთვის, არეგულირებს კვების ინდუსტრიას და პასუხობს ჯანმრთელობის გლობალურ საფრთხეებს.
რობერტ კენედის კანდიდატურა აშშ-ის პრეზიდენტმა, დონალდ ტრამპმა წარადგინა. კონგრესში მოსმენების დროს, რობერტ კენედიმ განაცხადა, რომ არ არის ვაქცინების წინააღმდეგი, მაგრამ უფრო მეტად არის უსაფრთხოების მხარდამჭერი.