აშშ-ის პრეზიდენტის, დონალდ ტრამპის საგანგებო დავალებათა დესპანმა, რიჩარდ გრენელმა სოციალურ ქსელ X-ში დაწერა, რომ რუმინეთის საპრეზიდენტო არჩევნებში ამერიკის ყოფილი პრეზიდენტი ჯო ბაიდენი ჩაერია და არა რუსეთი.
როგორც ტრამპის მრჩეველი აღნიშნავს, ბაიდენის ადმინისტრაცია რუმინულ არჩევნებში USAID-ის სხვადასხვა პროგრამების მეშვეობით ერეოდა.
„USAID-ის პროგრამები ისეთი ადამიანებისა და პოლიტიკოსების წინააღმდეგ იყო მიმართული, რომლებიც „ვოუქიზმს“ არ წარმოადგენდნენ. ბაიდენის გუნდი აშშ-ის გადასახადების გადამხდელთა ფულს მემარცხენე პროგრამებისა და მთელ მსოფლიოში კანდიდატების მხარდაჭერაში ხარჯავდა. კონსერვატორები მთელი მსოფლიოს მასშტაბით თავდასხმის ობიექტები იყვნენ. რუმინეთი – უახლოესი მაგალითია“, – დაწერა მან.
ცნობისთვის, რუმინეთში საპრეზიდენტო არჩევნები 2024 წლის ნოემბერში გაიმართა. არჩევნების პირველ ტურში გამარჯვება კელინ ჯორჯესკუმ მოიპოვა, თუმცა, დეკემბერში საკონსტიტუციო სასამართლომ რუსული ჩარევის მიზეზით საპრეზიდენტო არჩევნების შედეგები გააუქმა.